Testo: Canta U Populu Corsu. Chjamu A Puesia. L'odore D'i Nostri Mesi.

Ottobre sente e castagne
In paese fumicosu
Quand'u celu nebbiacosu
Fala nant'a le muntagne
Pare tutt'avvene chjosu
E finite le cuccagne.

Dicembre sente l'aranciu
Chi fiurisce per'sse piaghje
Ma quandi lu ventu traghje
Piglia inguernu lu sbilanciu
Tempu d'acque e di nivaghje
Affanosu e pocu danciu.

Maghju sente la ghjinestra
Chi sbuccia per lu pughjale
Inzeppisce fiuminale
Verdiceghja la campestra
L'acelli sparghjenu l'ale
Si spalanca la finestra.

Aostu sente a filetta
Calpighjata a merendella
A notte s'empie di stelle
Di dulcezza benedetta
In core di le zitelle
C'he un fiore chi l'aspetta.

Chi senteranu li mesi
Di la prussima stagione
Duve piantera viaghjone
Cu le so sperenze appese
E basteranu e canzone
Per guari tutte l'offese ?