Testo: Canta U Populu Corsu. Eri, Oghje, Dumane. Lettera Di U Mulatteru à U Corsu.

O Corsu caru cumpagnu
Di tante sorte mischina
Veni a asculta lu mio cantu
S'e no ne vai in ruvina
Sta a sente la mio storia
Ancu s'e tu un ai voglia

O quant'aghju incaminatu
Incurunendu li cresti
Chjucchittava la mio frusta
Pe li monti e li furesti
Cu lu sole e lu muntese
Piu ch'e in ogni paese.

Passava tutte ste gorghe
Scurtatu da tante ghjente
Chi per vedemi affacca
Eranu tutti impazienti
E mi facianu onore
O Corsu cun tantu amore.

Qualchi volta a l'attracghjata
Nantu a qualchi muraglione
Cu li vechji e li zitelli
Scuppiavanu le canzone
Felice era u nostru cantu
Chi ogni ghjornu era santu.

Quandu falava la notte
Durmia per ste campagne
Si sentia le tintenne
Spaperse per le muntagne
E sottu a lu mio pilone
Mi facia un casarone.

S'o t'aghju cantatu o Corsu
Per sti tempi d'una volta
N'aghju tamaritu rimorsu
E la memoria s'he sciolta
Ma ti pigliu a testimone
Per da fiatu a le mio canzone