Testo: Canta U Populu Corsu. Un Soffiu Di Libertà.

Quandi u mare amurosu carezza le to sponde,
E chi l'aria s'infiara a l'imbruni di a terra.
M'incantanu e stagione chi azziganu e to stonde,
E l'ombra di a pace ch'invadisce la sera.
Cum'e un soffiu di liberta.

Quandi i venti d'inguernu scappanu a lu meziornu,
Nant'a e spiche mature intrecciate in'onde d'oru.
Vegu balla una fiara nata in core di ghjornu,
E chi l'ochji di u vechju luce tale un tesoru.
Cum'e un soffiu di liberta.

Quandi u sognu d'oghje si mette in catalettu,
Di tutte e schjavitu di tutte e to ruine.
Sentu canta una voce in fondu di u mio pettu,
Chi corre a chjama l'anima da l'elpe a le marine.
Cum'e un soffiu di liberta.

Da le to mosse antiche a l'alba incatenata,
Da u fiore chi spunta a l'usciu di e prigione.
Viaghja culore di lume a mente rivultata,
Di quellu chi ti cerca e ti scopre Nazione !
Per un soffiu di liberta