Testo: Canzoni Napoletane. 'A Rumba D' 'E Scugnizze.

(R. VIVIANI)

Chesta e 'a rumba d''e scugnizze
ca s'abballa a tutte pizze...
Truove 'e ddame, 'mpizze 'mpizze,
ca te fanno duje carizze
pe' te fa passa 'e verrizze...
Strette 'e mane, vase e frizze...
Pruove gusto e te ce avvizze,
cchiu te sfrine e cchiu t'appizze...
Comm'a tanta pire nizze,
te ne scinne a sghizze a sghizze,
fino a quanno nun scapizze...
Chest'e 'a rumba d''e scugnizze!
'O rilorgio, mo capisco,
pecche 'o cerco e nun 'o trovo...
steva appiso...E' ghiuto o ffrisco:
c'e rimasto sulo 'o chiuovo...

'O chiuovo i' tengo!
Cic - cic - cic - ci...
Bell''e 'ammere!
Cic - cic - cic - ci...
Scarole ricce p''a 'nzalata!
Cic - cic - cic - ci...
Fenocchie!
Cic - cic - cic - ci....
'O spassatiempo!
Cic - cic - cic - ci...
Mo t''e ccoglio e mo t''e vvengo!
Cic - cic - ci - ci...
Gue, ll'aglie!
Cic - cic - cic - ci...

Chesta e 'a rumba d''e scugnizze...
Assettateve, assettateve!
ca s'abballa a tutte pizze...
'O quadrillo e 'a figurella!
Truove 'e ddame, 'mpizze 'mpizze...
'O mastrillo e 'a rattacasa!
ca te fanno duje carizze...
Quant'e bello 'o battilocchio!
Pruove gusto e te ce avvizze...
Pe' chi tene 'a moglie pazza!
Cchiu te sfrine e cchiu t'appizze...
Quatto sorde, 'o fenucchietto!

Comm'a tanta pire nizze...
te ne scinne a sghizze a sghizze,
fin'a quanno nun scapizze!
Chesta e 'a rumba d''e scugnizze!

Puparuole e aulive...
Magnateve 'o cocco, magnateve 'o cocco!
Rrobba vecchia...
Pallune p''allesse, pallune p''allesse!
'E mellune chine 'e fuoco...
Na bona marenna, na bona marenna!
Cotogne...
Gelati, gelati, gelati, gelati!
Conciatielle...
'A pizza cu 'alice, 'a pizza cu 'alice!
Furno 'e campagna...
'E lazze p''e scarpe, 'e lazze p''e scarpe!
D''o ciardino, tutte secche...
'A capa d''o purpo, 'a capa d''o purpo!
'O Roma!...

Chella bella Mamma d''o Carmene v''o ppava:
Nun mm''o ppozzo fatica!...

E' bellella 'a paparella!
Accattateve 'e piatte!
Seje tuvaglie cinche lire!
N'ata pianta p''o salotto!
Nocelline americane!
Tengo 'o ggrano p''a pastiera!
Pacchiane', chi s''o ppenzava?
Tiene chistu campo 'e fave!
Cicchignacco 'int''a butteglia!
'O zi' monaco 'mbriacone!
'O vveleno p''e scarrafune!
'A dummeneca addo' t''a faje?
Comm'a tanta pire nizze,
te ne scinne a sghizze a sghizze,
fino a quanno nun scapizze!
Chest'e 'a rumba d''e scugnizze!