Testo: Davide Van De Sfroos. Pica!. La Terza Onda.

Barca tuca la riva, sfrega la punta gratta la spiaggia
tera, tera incazzada che la se lamenta per ogni me pass,
troppa, troppa la nocc che ho pasaa sura l'acqua fantasma
tera, tera bastarda che spusera el veent per bufam in dii oecc
unda lama de spada, labbru de dama, lengua de frusta
unda che la carezza.... unda che sgarla e messeda i rifless
unda mann che me ciapa che la me ruzza fina a ca mia
unda, unda seguunda che la me tira ancamo in mezz al laagh
vita, vita de frosna, vita sfilzada de punta in soel fuund
vita, vita mulagna, gira la roeda e tira la corda
tera, tera che specia ogni rudera che porta foe el laagh,
tera che ogni matena cun la stessa facia la specia anca me

E sun che a specia la terza unda e sun che per vede cume la sara
e sun pruunt a basa la terza unda e sun pruunt a ciapa tucc i so s'ciaff

Dona dona sbagliada, roesa tajada e poe trada via
dona, dona de tera, roesa che l'era mea la mia,
roesa che la te spuung e intaant che la spuung la te lassa el prufoemm
dona che impara da l'unda a regurdatt che te seret un omm
rema rema via el muund fin due l'acqua la g'ha pioe memoria
scappa da quela corda che gira che gira e te liiga al puntiil
unda unda busarda prema te ruzza e dopu te sbrofa
aria de carta de vedru che frega e che frega per fatt turna indree
vita che la se incastra e l'e disegnaada a lisca de pess
vita che la sbrissiga versu quel siit in de gh'eet voeja de vess
unda che la te porta fina a la spunda de la
per fatt senti pussee forta la voeja de turna a ca.....