Testo: Davide Van De Sfroos. Television.

L'e capitaa tucoos in quela television
e la vardavum al bar traa la in sol bancun,
facc in biaanch e negru che i passaven a manetta,
el muund in biaanche e negru in quela scatuletta,
Prema ghe n'e von che canta una canzon
e dopu i suspenden la trasmissiun,
hann cupaa un Presideent, pulizia - che casott -
soe una machina a Fallas, senza la capot
Hann dii che l'era bravu, hann dii che l'era bonn,
pero i g'hann sparaa giu de'n balcon,
hann dii che l'era bravu e l'ha faa tanti prumess
e tanti americani i piangen ammo adess

Television, quanti de quanti nocc so quii pultrunn
Television, quanti nocc quanti de cun quel buton

E noen in Italia viagiavum in Cinceent
e cambiavum tanti ropp a segunda del veent,
ruvava el carosello cun tucc i nuvita
che noen el de dopu navum a crumpa
el Papa de Bergum che parlava cume noen
g'a faa fina sugna de ves pusse bon,
ancamo incoo che i henn passaa tanti ann,
in ca di italiani gh'e ammo el Papa Giuvann,
magari pugiaa sura la television
mentre parlen de Sanremo, de guera o de balon

Television.....

E quanti bei film al lunede de sira,
John Uein cupava tucc senza gnaa ciapa la mira,
e quanti Maik Bongiorno al giuvede de sira,
se te seret la risposta purtavet a ca la lira
E quaand che i partiit i henn diventaa a culuu,
l'e staa cume quaand dopo la pioggia ruva el suu
e alura tutt el muund a l'era deent in quela bala,
cun la television in dell'uffizzi o in de la stala
vusavum e bevevum cume tanti rembambii,
convinti che anca l'arbitro el pudeva senti
E i naven in so la loena e i purtaven a ca i sass
e in giir in so la Tera segutaven a cupass

Television, ...

Ho veduu tutt el muund e tucc i citta
setaa giu in poltrona, saraa deent in ca
Ho veduu tucc i ropp che han vuruu famm vede,
ho savuu tucc i ropp che hann vuruu famm save,
g'ho scia el telecomando e g'ho pio de leva so
ma urmai l'e tropp tardi, urmai en pudi pio
perche i naven so la loena e i purtaven a ca i sass
e in giir in so la Tera segutaven a cupass