Testo: N.C.C.P. (Nuova Compagnia Di Canto Popolare). Cicerenella. La Canzone Di Zeza.

Pulcinella:
Zeza vire ca io mo jesco
statte attient'a sta figliola,
tu che si mamma dalle bona scola..
Tienetella 'nzerrata
nun la fa prattecare
ca chella ca nun se sape se po 'mparare,
ue se po 'mparare.
Zeza :
Nun ce penzare a chesto
marito bellu mio,
ca a 'sta figlia me l'aggio 'mparat'io..
I' sempe le sto a dire
'na femmena 'nnorata
e cchiu de 'nu tesoro assai stemmata
...soro assai stemmata.
Pulcinella:
Vuie vedite signori mieie
a me che me succede
'nnant'a sta chiappa 'e 'mpesa de mugliera,
aiere jette a casa
e stutata stev'a cannela
n'ommo annascuso sott''o lietto steva.
Ze!Che ce faceva?
Zeza:
Mala Pasca ca te vatta
dint''a stu bruttu naso,
chillo era Don Fabrizio 'o patrone 'e casa,
vuleva la mesata
de lu mese passato
si nun era pe me ive carcerato,
ive carcerato.
Pulcinella:
Sarra comme tu dice
io mo me n'aggia ire,
Vicenzella da 'sta fenesta fa' trasire.
Mugliera stance attienta
penza ca so' 'nnorato
nun fa ca torno a casa 'ncurunato.
Torno 'ncurunato.
(Pulcinella va via)
Zeza:
Si pazzo si te cride
c'aggio 'a tene 'nzerrata
chella povera figlia sfurtunata!
La voglio fa scialare
cu ciento nnammurate
cu prievete,signure e cu li surdate
pure cu 'e surdate!
.Vicenzella:
Oi mamma ma che veco!
Nn'e chillo Don Nicola?
Mo proprio sarra asciuto dalla scola!
Si chillo me vulesse,
io me lo spusarria
e cchiu sotto de tata nun starria.
Tata nun starria.
Don Nicola (entrando):
Bennaie tutto lu munno
'stu spantu de biddizza,
comm'a sumaru io tir''a capizza.
Pe' chesta faccia bella
nun trovo cchiu arricietto,
de lacreme aggio 'nfuso tutto lu lietto,
aggio pisciat''o lietto!
Zeza:
Credite a me zi abbate
'sta povera figliola,
sbarea sempe quanno stace sola,
nun penza cchiu a nisciuno
Vicenzella:
Tu m'haje da 'nguadiare
Zeza:
Si no essa stessa mo se va a scannare!
Ue se va a scannare.
Pulcinella (entrando):
Senza ca tu te scanne
te faccio io 'stu servizio.
Zeza:
Mari ferma ca vaje 'mprecepizio!
Vicenzella:
Via tata mio perdoname
cchiu non lo voglio fare.
Pulcinella:
A tutt'e tre ve voglio addecreare!
Zeza e Vicenzella:
Ue ce vo addecreare!
Zeza:
Hai fatto 'na gran cosa
tiratella la mano!
Pulcinella:
Vattenne zucculona ruffiana...
Zeza:
A me...va muore acciso!
Pulcinella:
Tu me faie esse 'mpiso!...
Zeza:
Tu che canchero 'ncapa t'haje miso?
'Ncapo t'haje miso!
Don Nicola:
Arreto arreto t''o metto
'stu piezzo 'e cacafuoco!...
Cu Don Nicola haje fatto malu juoco!
Pulcinella:
Pieta,misericordia!
Io aggio pazziato..
Zeza:
Vi comme tremma mo 'stu sciaurato!
Sciu..pe' chi t'e nato!...
(Don Nicola spara tra le gambe di Pulcinella)
Vicenzella:
Si tu me vuo bene
nun m'accider'a tata,
nun me tene 'a mente 'sta jurnata!
Don Nicola:
La voglio pe' muglieri.
Che dici?...Sei contenti?
Zeza:
Rispunne 'nzallanuto.... nun lo senti?
..nuto nun lo senti?
Pulcinella:
Gnorsi songo contento,
maie cchiu io 'na parola
m'hanna ceca si 'a dico a don Nicola!....
Ma vuie signori mieie
nun ve 'nzurate maie,
pecche cu 'na mogliera passate 'nu guaio!...
Passate 'nu guaio!
Zeza:
Via dateve la mano
puzzate gode 'ncocchia!..
Pulcinella:
Uno ne cade e n'ato ne sconocchia!...
Vicenzella:
Maritu bello mio!
Don Nicola:
Mugliera de stu core....
Zeza:
Tutte faccia gode Copint'ammore!...
De Copint'ammore!
Fronne e tammurriate:
Ih quante me ne fa' chesta cca abbascio,
vo marita' la figlia e port''a pressa...
E va dicenno ca tene li ccasce,
dinto ce tene 'e caccavelle 'e Sessa.....
Carnevale va e vene
nuje ce ne jammo e nun venimmo cchiu...
Ih!..gioia soia....
Chella vecchia ruffiana s'e arrubbata 'a quatturana,
i' pe' ce 'a fa vede, ce 'a riett' 'mmano
Ih!...gioia soia