Testo: N.C.C.P. (Nuova Compagnia Di Canto Popolare). Medina. Medina.

Suonno d'oro de 'stu vico addo va chistu mutivo,
chissa chi ce l'ha purtato chissa chi se l'e 'nventato.
'Nu miracolo c'e stato tutt''o vico s'e scetato
'a luntano dint''o scuro se senteva 'nu tamburo...
'A mugliera 'e don Gaetano abballava chianu chiano
c''a tammorra murmuliava 'sta canzone ce cantava:
Jesce sole - jesce sole
jesce sole oje sole...
Suonno 'e 'sta disperazione pe' senti' chesta canzone
quanta gente s'e fermata tutt'attuorno s'e assettata.
E li vecchie 'ncopp''e grade e li femmene p''a strada
senza manto e senza fronne me parevano Maronne.
Dint''o vico d''a paura ride sulo 'na criatura,
c'e chi fuje 'a part'e fora ma ce sta' chi allucca ancora:
Jesce sole - jesce sole
jesce sole oje sole...
Jesce sole, scagliente 'mperatore,
scanniello mio d'argiento ca vale quattuciento.
Nun chiovere, nun chiovere
c'aggia ire a movere,
a movere lu grano
de masto Giuliano
E 'ncantate so' sti mamme l'uocchie pierze a 'n'ato munno
so' venute a una a una a canta' pe' 'sti guagliune...
Oi fronna 'e chesta gioia sona ancora 'stu mutivo,
chissa chi ce l'ha purtato chissa chi se l'e 'nventato.
E li vecchie 'ncopp''e grade e li femmene p''a strada
senza manto e senza fronne mo me parono Maronne...
Alli uno alli uno 'a tre juorne sto diuno
alli doje alli tre vienetenne 'mbraccio a me.
Alli quattro alli quattro mo to dongo e mo to schiatto
alli cinche alli sei datemelle 'e robbe meie.
Alli sette alli sette 'o tuppo 'e mammeta dint''o vasetto
alli otto alli nove mo te schiatto 'sti doie ove...