Testo: N.C.C.P. (Nuova Compagnia Di Canto Popolare). La Serpe A Carolina. Il Mattacino.

Don Lui,don Lui dill'a me si vuo muri',
dill'a me si vuo muri'
ca 'o tavuto nce 'o facc''i.
E nce 'o faccio de legno de noce
'ncoppa ce metto 'na bella croce
sott''a croce ca te 'nzerra
sette palme sotto terra...
Trenca trenca trenca
baccala sarache e arenga,
si tu arenga me vuo da',
ih che bella carcioffola..
'A mugliera 'e mastu Percuoco
jeva vestuta de fronne de fiche
jeva vestuta de fronne de fiche,
zucchete zucchete e passa la zita.
E la zita e la zetella
e la figlia de Pulecenella,
e la figlia de Pulecenella
s'e scusuta la gonnella.
La gonnella e lu jeppone
ben venuto lu cusetore,
ben venuto e ben truvato
ricco buono e maretato!
E lu mare lu mare lu mare
mastu Peppe che t'aggia dare,
addimmann''a la zi Teresa
cu' sei carline si face la spesa?
E pruvito de mastu Peppe
allariammillo 'stu curpetto,
allariammillo pe' nu poco
mastu Peppe ca m'affoco!
Ienne vennenno mellune cuglienno
addenocchiune cuglienno mellune!
Dint''a 'na senga 'e pertuse de mura
ce steva 'na cimma de vruoccole crure.
Ih quant''e bella Napule pare 'nu franfellicco,
ognuno vene allicca,arronza e se ne va!
Ndan dan dan dan,zuccute zuccute e lariula
Ndan dan dan dan,zuccute zuccute e lariula....
A mare nun ce so' tanta fravaglie
pe' quanta ne frezzea chist'uocchie belle....
E mannaggia e mo e mo,
mo me faccio 'nu cuorno mo!
Statte zitta 'nun ghiastemmare
ca te jetto pe' tutte li grare,
si t'afferro pe' li capille
te ne conto cchiu de mille.
E lu mare sette e otto
nenna mia fatte cchiu sotto,
e lu mare nove e dieci
biat''a mammeta ca te fece.
Pascariello jesce e torna
'a mugliera l'ha fatto 'e corna,
quanno passa p''o Pennino
l'abbuttammo 'e mandarine,
quanno passa p''o mercato,
l'abbuttammo 'e cannunate,
quanno passa abbasci''o puorto,
l'abbuttammo 'e chi t''e muorte.
'A femmena e comme a 'na vrasera,
s'appiccia e po s'ausa quann''e a sera.
Ndan dan dan dan,zuccute zuccute e lariula
Ndan dan dan dan,zuccute zuccute e lariula
Ndan dan dan dan,zuccute zuccute e lariula
Ndan dan dan dan,zuccute zuccute e lariula....