Testo: N.C.C.P. (Nuova Compagnia Di Canto Popolare). La Serpe A Carolina. Pacchianella D'uttaiano.

De San Giuseppe de 'ncopp''Uttaiano
cu' 'nu papore mo songo arrivate,
cu stu tamburro ca m'aggio purtato,
pe' tutta Napule vogli''abballa'....
Chi vo vede la zita quanno chiagne neh,
quanno se mette 'mmiez''a tanta gente,
po' va lu sposo 'nce se mette annanze neh,
faccella 'e luna mia statte cuntenta.
Bene mio,mare e core
fa calore e cca se more,
e si jette 'nu suspiro,
ah,ah..... lloco te 'nchiuove!
Mo songo asciuto dalla stazione,
pe' gghi truvanno lu ponte adattato
e mo ca veco ca l'aggio truvato,
quant''ata cose v'aggi''a fa senti'....
Vedite ca e succieso a Uttaiano neh,
'nu prevete ha vasato a 'na figliola,
mentre le steva pe' vasa' la mano neh,
le steva a benneri' cu lu curdone.
Ih che scannalo c''ha dato
lu paese arrevutato.
'A mammella c''a cucchiara,po po....
l'ha paliato!
A lu paese 'nce teng''o ciardino,
chest'e la dote pe' lu maretiello,
quanno me spusaraggio Aitaniello,
dint''o ciardino 'o voglio fa sciala'....
Mammeta m'ha chiammato schiavuttella neh,
i' nun ce songo certo pe' natura,
si me 'nce mengo rint''a funtanella neh,
cchiu ghianca ce addevento comm''a vuie...
Si 'o tenesse nce 'o mettesse
'o cavallo int''a rimessa,
e l'uommene 'o juorno d'ogge mena me,
so tutte fesse!......