Testo: N.C.C.P. (Nuova Compagnia Di Canto Popolare). Incanto Acustico. Musica Popolare.

Lucariello va p''e feste
e cunosce tutt''e poste,
nun appena vene maggio
accummenciano 'sti viaggi.
E' assaje forte 'sta passione pe' sti tradizioni...
Pass''o tiempo, cagna 'o munno
e se resta guaglione.
Lucariello va p''e feste
quanta sciure p''e feneste,
chi p''a strada, chi s'affaccia,
chi se pitta pure 'a faccia...
Saje ca chistu juorno
pure Cristo chiude n'uocchio,
e po' quanno e 'a sera
che male dint''e ginocchia...
Musica popolare
nasce mmiez''a gente ca nun tene niente...
Musica popolare
rosa 'e chesto ammore rosa mia d'argiento...
Lucariello va p''e feste
pe' cerca 'nu munno onesto,
e te dice guarda annanze,
senza maje lassa 'st'usanza...
Chesta vita e 'na catena
si se spezza se ne vene.
Chiove, jesce 'o sole e po'?.
sponta l'arcobaleno...
Musica popolare
nasce mmiezo 'a gente ca nun tene niente...
Musica popolare
rosa 'e chesto ammore rosa mia d'argiento...