Testo: N.C.C.P. (Nuova Compagnia Di Canto Popolare). Cicerenella. Li 'ffigliole.

Li 'ffigliole che n'hanno ammore
songo varche senza la vela,
so' lanterne senza cannela
songo cuorpe senza lu core,
li 'ffigliole che n'hanno ammore.
Li 'ffigliole che n'hanno amante
so' comm'arvole senza frutte,
so' turreno sicche ed asciutte
ca nun fanno sciure ne chiante,
li 'ffigliole che n'hanno amante.
Li 'ffigliole che n'hanno amice
sanno poco che cosa e 'o bbene,
quanno po' la vecchiezza vene
s'asciarranno triste e 'nfelice,
li 'ffigliole che n'hanno amice.
Zetelluccie belle e cianciose
mo gustate che tiempo avite,
mo che tennere e fresche site,
tiempo 'e cogliere mo li rose,
zetelluccie belle e cianciose.
Lu pacchiano che beve e sciacqua,
va 'nforrato de stoppa e llino,
ma se aguanno non se fa vino,
se la face 'na panza d'acqua,
lu pacchiano che beve e sciacqua.