Testo: N.C.C.P. (Nuova Compagnia Di Canto Popolare). Pesce D 'O Mare. Ninna Nanna.

'O ssaje ca chistu munno e stato fatto a poco a poco,
e ca forze 'na vota nun ce steva manco 'o cielo.
'O viento ll'acqua e 'o ffuoco era 'na cosa sola,
e 'mmiez''a 'sta ammuina ascette" 'na matina ".
'O ssaje ca 'int''a 'na notte se so' appicciate 'e stelle,
e 'a sotto a tutt''o mare ce spuntaje 'nu sciore.
Po' chello ca e succieso t''o vulesse spiega',
ma sta 'na verita ca io nun t''a saccio ancora raccunta'.

Mo s'e fatto scuro e tu te si addurmuto,
dimmane te vulesse fa vula'.
Pe' lassa' 'sta terra ca me fa paura,
e i' so' cuntenta 'o stesso,
si pure nun staje cchiu vicino a me...

Nonnaooo - nunnare - ninnaooo -
oh nonnaooo - nunnare...

'O ssaje ca chistu munno se cunzuma a poco a poco,
comme a poco a poco chesta vita se ne va.
Ma i' credo ca ognuno, ca cerca 'a libberta,
gia sape c'addeventa 'na pont''e stella 'int''a 'st'immensita.

Mo s'e fatto scuro e tu te si addurmuto,
dimmane saccio ca nun puo' vula'....
Pe' lassa 'sta terra ca nun fa cchiu paura,
e i' so' cuntenta 'o stesso,
pecche tu rieste cca vicino a mme...

Nonnaooo - ah nunnare - ah ninnaooo -
ah nunnare...