Testo: N.C.C.P. (Nuova Compagnia Di Canto Popolare). Pesce D 'O Mare. Solo Parole.

'A 'nzalatella 'mmescatella,
e comme diavolo sape bbella,
e ce sta 'a fronna rossa,
e ce sta 'a fronna nera,
fronne 'e tutt''e manere.

Hanno lassato 'e figli 'a casa,
e so' partute e nun so' turnate,
ma arinto e semp''o stesso,
'a vita nun tene prezzo,
e po' nun te da riesto...

Pecche pecche,
sulo parole, pecche?
E 'a gente more, pecche?
Senza sape'.
Pecche pecche,
ce annascunnimm''o bbene,
e ogne juorno addeventa sera?

Ma comme diavolo sape bbella,
'a 'nzalatella 'mmescatella,
e ce sta 'a fronna janca,
se magna a tutte quante,
e nun se fa crianza

E tutt'allerta e tutt'annure,
e zitti 'nnanz'a 'sti criature,
cu 'e facce senza tiempo,
stanno aspettanno 'o juorno,
ca cagna chistu scuorno....

Pecche pecche,
sulo parole, pecche?
E 'a gente more, pecche?
Senza sape'...
Pecche pecche,
ce annascunnimm''o bbene,
e ogne ghiuorno addeventa sera?....

(Fronna) : Fronne 'e limone
'a strage 'e 'sti 'nnuciente
se fa cu 'sti capune...
Ca n'hanno a meliune scapezzate,
garufanie...

Pecche pecche,
sulo parole, pecche?
E 'a gente more, pecche?
Senza sape'..
Pecche pecche,
nce annascunnimm''o bbene,
e ogne ghiuorno addeventa sera?...

'A 'nzalatella 'mmescatella...