Testo: N.C.C.P. (Nuova Compagnia Di Canto Popolare). Tzigari. Senza Cielo.

Vicino, stamme cchiu vicino,
pe' senti 'o calore
d''a terra ca scumpare
e pe' nun t''a scurda'.
Luntano, nuje jammo luntano,
addo ce stanno 'e mmane

ca vottano ati mmane,
pe' t'accarezza'.
Lassa sta', 'a vita e chesta cca,
mo nun t''a fa scappa'.
Lassa sta', asciutta ll'uocchie e canta,
ca sempe adda passa'...
Rummore, m'astipo 'stu rummore
'e chella vocca 'e rosa
ca nun me fa durmi.
Culore, m'arrobbo 'stu culore
e 'o chiudo dint' 'o core
pe' nun 'o fa fuire.
Tiempo 'e sole, profumo d''e vviole,
profumo dell'ammore.
Tiempo 'e viento, ca scioscia notte e juorno,
e porta 'stu turmiento.
Stella 'e zingarella
cu 'e rose dint''e capille
e cu 'e ricchine belle.
Stella senza cielo,
cu 'a vita dint' 'e sacche
e 'a faccia sott' 'e piede.
Ma chissa mo addo sta,
chella stella...