Testo: Pietra Montecorvino. Napoli Mediterranea. Comme Facette Mammeta.

Quanno mammeta t'ha fatta,
quanno mammeta t'ha fatta...
Vuo' sape comme facette?
vuo' sape comme facette?...

Pe' 'mpasta sti ccarne belle,
pe' 'mpasta sti ccarne belle...
Tutto chello ca mettette?
tutto chello ca mettette?...

Ciento rose 'ncappucciate,
dint''a martula mmescate...
Latte, rose, rose e latte,
te facette 'ncopp''o fatto!...

Nun c'e bisogno 'a zingara
p'andivina, Cunce'...
Comme t'ha fatto mammeta,
'o ssaccio meglio 'e te!...

E pe' fa 'sta vocca bella,
e pe' fa 'sta vocca bella...
Nun servette 'a stessa dose,
nun servette 'a stessa dose...

Vuo' sape che nce mettette?
Vuo' sape che nce mettette?...
mo te dico tuttecosa...
mo te dico tuttecosa:

nu panaro chino, chino,
tutt''e fravule 'e ciardino...
Mele, zuccaro e cannella:
te 'mpastaje 'sta vocca bella...

Nun c'e bisogno 'a zingara
p'andivina, Cunce'...
Comme t'ha fatto mammeta,
'o ssaccio meglio 'e te...

E pe' fa sti ttrezze d'oro,
e pe' fa sti ttrezze d'oro...
Mamma toja s'appezzentette,
mamma toja s'appezzentette...

Bella mia, tu qua' muneta!?
bella mia, tu qua' muneta!?
Vuo' sape che nce servette?
vuo' sape che nce servette?...

Na miniera sana sana,
tutta fatta a filagrana,
nce vulette pe' sti ttrezze,
che, a vasa, nun ce sta prezzo!

Nun c'e bisogno 'a zingara,
p'andivina, Cunce'...
comme t'ha fatto mammeta,
'o ssaccio meglio 'e te...

(Grazie a annette per questo testo)